Nei kinderboek in de meertmaond-streektaolmaond: ‘Kabouter Prugelie en de prins die zeuik is’

HarmG Sijnstra oet Zuudlaoren schrif spannend sprookje. Zien kleinzeun Sander Aukema döt het tiekenwark. ZUUDLAOREN – In het restaurant bij de Sprookjeshof in Zuudlaoren was de boekprissentatie van  ‘Kabouter Prugelie en de prins die zeuik is’ van schriever HarmG Sijnstra. Zu’n virtig man zagen dat Harm zien achterkleindochter van acht jaor, Tessa van der Duim het eerste boek kreeg. ‘Kabouter Prugelie en de prins die zeuik is’ hef prachtige tiekenings van de kleinzeun van Harm, Sander Aukema. Kabouter Prugelie is de kleinste van alle kabouters en oetgerekend dizze kabouter krig van de kabouterkeuning en keunegin de opdracht um de verdwenen prins Karel te zuken. Een spannende reis deur het Drentse landschap brengt Prugelie neie vrunden, maor ok grote gevaoren. Oetgeverij Het Drentse Boek komp aal jaor met een nei kinderboek in de meertmaond-streektaolmaond. De 180 vrijwilligers van het Huus van de Taol gaot de schoelen bijlangs en leest der dan oet veur. Teminnen dat was zo veur coronatied. ‘Kabouter Prugelie en de prins die zeuik is’ kan nog even niet op alle schoelen veurlezen worden. Mar in hoes kan dat wel vanzölf. Het boek is veur € 19,95 te koop in de boekhandel en de webwinkel van het Huus van de Taol: https://www.huusvandetaol.nl/product/kabouter-prugelie-en-de-prins-die-zeuik-is-harmg-sijnstra/

Huus van de Taol organiseert 3 webinars

Lekker een uurtie in je hoespak achter de computer, intied het Huus van de Taol je bijprat over het Drents! Umdat streektaolorganisatie Huus van de Taol op 1 meert 15 keersies oetblaozen mug duurt dit jaor de Meertmaond – Streektaolmaond dubbel zo lang! Nao het succes van de eerste webinars in meert 2021 organiseert de streektaolorganisatie der ok dit jaor een koppel Woensdag 30 meert – Drentse schrieverij vanof de 19e eeuw As vervolg op het webinar De vrogge Drentse schrieverij vertelt Drents literatuurhistoricus Henk Nijkeuter je nou alles over de schrieverij vanof de 19e eeuw. Wie bint nou feitelijk die schrievers? Waor schreven of schrieft ze over? En waorum doet ze dat in het Drents? Woensdag 6 april – Streektaol in de zörg Wat bint de positieve effecten van het praoten van streektaol in de zörg? Renate Snoeijing giet in gesprek met streektaolconsulent Albert Bartelds van de Ijsselacademie. Bartelds gef in Overiessel al jaoren cursussen Streektaal in de zorg en kan alles vertellen over het belang dervan. Woensdag 13 april – De Drentse spelling in vogelvlucht Het Drents hef sinds 1987 een eigen, deur de previncie erkende spelling. Het is naor eigen zeggen een leidraod veur het schrieven van de streektaol. Maor hoe doej dat dan? Arja Olthof en Amber Tieck vertelt in vogelvlucht over het toepassen van de Drentse spelling en hoe die spelling ontstaon is. Dielname is gratis. Anmelden veurof is wal neudig, zodaj een toegangslink kriegen kunt. Anmelden kan via de website. Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers wardeert.

De meertmaond is lös

Met de overhandiging van de eerste Wiesneus is de Meertmaond-Streektaolmaond oftrapt Assen – Op de OBS Theo Thijssen in Assen is op woensdag 2 meert de Meertmaond-Streektaolmaond 2022 lösdaon met de overhandiging van Drentstaolig tiedschrift Wiesneus an schoeldirectrice Sandy Sibbald en de kinder oet groep 3. Streektaolambassadeur Hennie Enting oet de gemiente Assen en streektaolfunctionaris Amber Tieck waren op bezuuk bij groep 3 van OBS Theo Thijssen um de Wiesneus met het thema Dreumen an de directie en kinder te prissenteren. Streektaolambassadeur Hennie Enting begunde het veurleesmoment met een praotie in de klas over Drents en meertaoligheid. Meerdere kinder bleken in hoes naost het Nederlands nóg een taol te praoten, waorunder Drents. Nao dizze körte inleiding weur het eerste exemplaar van de Wiesneus deur Hennie Enting an de schoeldirectrice oetlangd. Van het jaorlijkse Drentse tiedschrift Wiesneus wordt dit jaor 30.000 stuks deur de provincie rondbracht. Het verhaol ‘De Boom’ oet de Wiesneus weur deur streektaolfunctionaris Amber Tieck an de groep veurlezen. De kinder luusterden vol andacht en waren gloepends enthousiast over het veurleesmoment. Nao het veurlezen kregen zij allemaol heur eigen exemplaar van de Wiesneus oetdield. In de van kleurige en fantasierieke tiekenings veurziene verhaolen, gedichten, puzzels, liedties en creatieve opdrachten in de Wiesneus stun dizze maol het thema Dreumen in het middelpunt. Speciaal veur dit thema bint er op de bijbeheurende website Wiesneus.nl veur kinder van verschillende leeftieden nog anvullende online spellegies toevoegd. Umreden dat op niet alle schoelen Drentse veurlezers langskommen kunt, bint veurleesfilmpies op Wiesneus.nl zet. In dizze veurleesfilmpies wordt verhaolen en gedichten oet de Wiesneus deur jonge Drenten veurlezen. Niet allén in Drenthe wordt de Wiesneus dizze Meertmaond-Streektaolmaond verspreid; meer as 55.000 basisschoelkinder in Grunning, Drenthe, Overiessel en de Achterhoek kriegt een Wiesneus in de eigen Nedersaksische variant in de haanden. In de Meertmaond-Streektaolmaond wordt de Wiesneus op veul basisschoelen oetlangd en leest op een koppel basisschoelen vrijwilligers van het Huus van de Taol veur. Alle verhaolen, liedties en anvullende opdrachies staot op www.wiesneus.nl.

Twentehoes gaat Twents praten makkelijker maken: start met inloopspreekuren en kuieravonden

Hoe maken we het makkelijker om Twents met elkaar te praten? Met die vraag houden onze streektaalcollega’s zich dagelijks bezig. Het Twentehoes heeft nu een oplossing voor de mensen die enorm bedreven zijn in Twents spreken én de mensen die nog iets meer onzekerheid ervaren als ze Twents praten: inloopspreekuren en kuieravonden. Op vrijdag 4 maart vindt de eerste editie van het inloopspreekuur plaats. Vanaf dan vindt het inloopspreekuur iedere eerste vrijdag van de maand plaats. Tijdens dit inloopspreekuur kan iedereen terecht met een vraag over de Twentse taal. Zit je bijvoorbeeld met een vertaling? Of wil je een evenement of activiteit in het Twents organiseren maar weet je niet waar je moet beginnen? Daar zitten we ervoor! Aanmelden of reserveren is niet nodig, want je kan gewoon binnenlopen tussen half tien en twaalf uur. Op 8 maart is de eerste editie van het Kuiercafé. Deze avond is bedoeld voor mensen die graag wat meer Twents willen praten, maar dit nog best wel spannend vinden. Tijdens deze avonden nodigen we een spreker uit, een zogenoemd ‘antrapper’, die een onderwerp aansnijdt waar je vervolgens met elkaar over in gesprek gaat. De eerste antrapper is Jan Bornerbroek. Hij gaat vanaf half acht ’s avonds in gesprek over de boerenmagie. Kom jij met ‘m kletsen? Dan kun je je aanmelden door een mailtje te sturen naar hallo@kulturhusborne.nl. Het Twentehoes biedt onderdak aan de Twentse taal en cultuur. Van voorlezen tot dialectmuziek, van streektaal in de zorg tot een dialectblad voor basisschoolleerlingen. In het Twentehoes leeft het Twents volop. Alle organisaties die zich met het Twents bezighouden, zijn hier van harte welkom. De inloopspreekuren en kuieravonden vinden plaats in het Kulturhus Borne. Ze zijn allebei gratis te bezoeken. Voor het inloopspreekuur hoef je je niet aan te melden. Voor het Kuiercafé is een aanmelding wel nodig. Wil je meer weten? Kijk dan op de website van Kulturhus Borne. In hun agenda staan deze twee activiteiten opgenomen.

Huus van de Taol viert Meertmaond – Streektaolmaond met een dubbele jubileumeditie!

Umdat streektaolorganisatie Huus van de Taol op 1 meert 15 keersies oetblaozen mag, duurt dit jaor de Meertmaond – Streektaolmaond dubbel zo lang! In meert én april staot er een hiele koppel activiteiten op de agenda. Wiesneus Op woensdag 2 meert trapt het Huus van de Taol de maond of met de feestelijke overhandiging van het eerste exemplaor van kindertiedschrift Wiesneus an gedippeteerde Nelleke Vedelaar. De Wiesneus giet dit jaor in een oplage van 30.000 stuks de previncie in, naor zowat alle basisschoelen. Podcast ‘Praot Drents met mij’ Van de succesvolle Drentstaolige podcast Praot Drents met mij is weer een nei seizoen opnummen. Op woensdag 2 meert giet de eerste oflevering met zangeres Martijje online, op 9 meert volgt die met gedippeteerde Henk Brink en zo komt er nog acht ofleveringen achteran. Preek van de Leek Op zundag 6 meert gef directeur Renate Snoeijing op Klazienaveen een Preek van de Leek op oetneudiging van de oecumenische warkgroep. De toegang is gratis. Drents Parlement Veurig jaor weur der in het Drents Parlement in meert in de streektaol vergaderd. Dit jaor komp der een vervolg en kriegt de parlementsleden op woensdag 9 meert een broescursus Drents. In een informele kwis mugt ze daorna zien laoten hoe goed ze het Drents beheerst. Webinars Ok dit jaor bint er weer een koppel webinars. Op woensdagaovend 9 meert stiet Streektaol in de zörg op het programma, op 30 meert vertelt Henk Nijkeuter over de Drentse schrieverij vanof de 19e eeuw en op 13 april nimt streektaolfunctionarissen Arja Olthof en Amber Tieck je in vogelvlucht met deur de Drentse spelling. Streektaolstrieden Op vrijdag 18 meert wordt er in Börk een streektaolstried holden. Datzölfde gebeurt op vrijdag 25 meert in Nieveen en op vrijdag 1 april in Zeijen. In dizze Drentse pubkwissen wordt vraogen steld over de streektaol, maor u.a. ok over de gemiente, geschiedenis, cultuur, meziek en actuele zaken. Taal an Taofel Op zundag 20 meert in Noord-Slien en op zundag 27 meert in Dwingel kunt liefhebbers van de Drentse taol heur hart ophalen met poëzie, proza en meziek. LOOS! De oetzendingen van streektaolkwis LOOS! begunt dit jaor op dunderdag 31 meert bij RTV Drenthe. Nao een jaor van ofwezigheid is LOOS! weer terug op de tillevisie! Drents Praothuus De vrijwilligers van het Huus van de Taol in Assen hebt vanof meert tot september een eigen praothuus in warenhuus Vanderveen in Assen. Hier organiseert ze allerhande activiteiten. Umdat er begun van het jaor nog gien dudelijkheid was over het wal of niet deur kunnen laoten gaon van een grote feestelijke activiteit bij het Huus in Beilen, is besleuten um dizze plannen hen september te verpoten. Hierover volgt binnenkört meer neis. Veur de bijgewarkte agenda, neis en alles over het Drents kuj terecht op de website van het Huus van de Taol. Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.