Taal an Taofel in meert in Noord-Slien en Dwingel

Op zundag 20 meert in Noord-Slien en op zundag 27 meert in Dwingel kuj genieten van Drentse literatuur en muziek. Boetendes kuj tussen de middag veur ’t warm eten anschoeven.

BEILEN – Zoas ok in aandere jaoren is de meertmaond de streektaolmaond. Ok Taal an Taofel döt hier an met. En dus kuj op twee zundagen naor streektaolschrievers lustern. Ok is der muziek en in de pauze warm eten. Streektaolorganisatie Huus van de Taol stiet garant veur een schier begun van de zundag.

Zundag 20 meert is Taal an Taofel in Restaurant-Zalencentrum Wielens in Noord-Slien. Het publiek kan dan lustern naor gedichten van Janet Baron Lopers. Jan Germs komp met verhalen en de muziek is van Geert Jan Barder. Risserveren kan via mail: reina.zwiers@planet.nl.

Op zundag 27 meert is Taal an Taofel in Grand Café De Brink in Dwingel. Het publiek kan lustern naor gedichten van Eddy Zinnemers en verhaolen van Herman Sandman. De muziek is van John en Nienke Havinga. Risserveren kan via ans.klok@ziggo.nl of j.oosting01@home.nl.

Taal an Taofel begunt um 11.00 uur en stopt um 14.00 uur. De entree is € 20,00. Daor kriej dan koffie/thee en een warme maoltied veur.