Oader op zuik noar Grunneger schriefsters

Oader, t online literair tiedschrift veur t Grunnegs, is op zuik noar vraauwlu dij in t Grunnegs schrieven. Op Oader.nl ploatst de redactie bestoande oet Tonko Ufkes, Hindry Schoonhoven en Christopher Bergmann voak biezundere verhoalen en gedichten in t Grunnegs. Opvallend is dat veuraal mannelke schrievers actief verhoalen en gedichten insturen. “n Tiedje leden het de Oader redactie n oproup doan noar vraauwlu dij in t Grunnegs schrieven. Wie vroagen heur om heur waark ook noar Oader te sturen. Vanzulf binnen we aaltied blied mit teksten van mannen, mor t zol mooi wezen om t percentage vraauwleke schrievers wat op te krikken. De reaksie op eerste oproup was traauwens nait slecht: der kwam hail wat binnen en der binnen inmiddels verschaaiden inzendens publiceerd.” Meneer Jansen Lest publiceerde Oader t eerste laange verhoal schreven deur n Grunneger vraauwleke schriever. Ingeborg Nienhuis stuurde heur verhoal Meneer Jansen op noar de redactie. t Verhoal is hier te lezen. Ingeborg Nienhuis (Zoutkamp, 1981) van platform t Greunenkriek studeerde Nederlands en journalistiek. Verhoalen van heur verschenen in Nederlandse bloumlezens en in verschaaiden streektoaltiedschriften. Heur Grunnegstoalege romandebuut Schoem of De Voarende Zoltkamper (t Grunneger Bouk, 2020) wör nomineerd veur t Beste Groninger Boek. In 2021 verschient heur Nederlandse romandebuut Randfiguren. Herhoalde oproup t Biezundere verhoal Meneer Jansen schreven deur Ingeborg Nienhuis is n mooie aanlaaiden veur de Oader redactie om nog n moal n oproup te doun: as je n vraauw binnen en je schrieven in t Grunnegs: stop dien gedichten of verhoalen nait in n loa, mor stuur ze noar tiedschriftoader@gmail.com. En veur de mannelke schrievers: blief veuraal schiere verhoalen en gedichten schrieven en insturen! Oader.nl is tot stand komen deur financiële steun van CGTC (voorheen Huis van de Groninger Cultuur) en stichting Krödde.   Ingeborg Nienhuis

Baukje Bloemert giet met pensioen

Zie warkt al dik twaalfenhalf jaor veur oetgeverij Het Drentse Boek. Maor nou giet ze met pensioen. Reden veur journalist Annemiek Meijer um heur nog evenpies het hemd van het lief te vraogen over de Drentse schrieverij. Hier kom ik weg – Baukje Bloemert

Streektaal op starven nao dood?

Ech nie! Luuster maor es naor disse jongeluu: TikTok Tammo krig gillende meiden achter zich an deur zien Grönningse filmpjes. Ellen Peters, schriefster van ’t book Twents veur Dummies, dech dat streektaal veural populair wodt as nieje straottaal. Zu’w kieken wat ’t wodt? ;-)

Hesseln op de borden

Al langere tied wol Plaotselijk Belang in Hesseln dat de komborden de Drentse naam Hesseln bij op de borden zulden kriegen. En woensdag 12 mei was het zowied. Ria Epping van Plaatselijk Belang en wetholder Jeroen Huizing van Coevern onthulden in de stralende zun het neie kombord. En in Hesseln bint ze der slim groots op dat ze de eerste plaots in de gemiente Coevern bint met Drentstaolige komborden. Nao dit eerste bord volgt ankommen week de borden van de aandere toegangswegen, zodaj altied de naam Hesseln tegenkomt, waor aj het dörp ok inriedt. Credits foto: Jan Anninga

Winnoar kleurploatenwedstried Wiesneus 2021 bekend

Dit joar konden basisschoulen in aanloop noar de Meertmoand Streektoalmoand de daarde editie van de Wiesneus aanvroagen veur de leerlingen. In t tiedschrift Wiesneus stoan verhoalen, laidjes, gedichten en recepten, apmoal schreven in t Grunnegs. Leerkrachten kinnen de Wiesneus bruken in de klas. Dit joar is bie t tiedschrift ook n spezioale lesbraif mit extroa Grunnegs materioal ontwikkeld. Kinder kinnen deur beveurbeeld verhoalen te lezen en laidjes zingen kennismoaken mit t Grunnegs. Kleurploat Basisschoulkinder konden dizze moal ook mitdoun mit n poar Wiesneus priesvroagen, doaronder n spezioale kleurploatwedstried. Centrum Groninger Taal & Cultuur, de initiatiefnemer van de Grunneger Wiesneus, het per post hail veul mooie en vroleke kleurploaten kregen. Geweldeg en veur elk dij mitdoan het: Stief bedankt veur joen biedroagen! Mor wel het de mooiste kleurploat moakt? Riemke Bakker, bestuurslid van Centrum Groninger Taal & Cultuur, moakt in dit filmpke de winnoar van de kleurploatwedstried bekend! Ankomende week op dunderdag zeggen wie wel de winnoar van de Wiesneus Puzzel worden is. Hol hierveur ons webstee en socials in de goaten! Wiesneus is n initiatief van Huus van de Taol, Centrum Groninger Taal & Cultuur, IJsselacademie, Twentehoes en Erfgoedcentrum Achterhoek en Liemers. t Kindermagazine wordt in verschillende streektoalvarianten oetbrocht. Basisschoulen kinnen de Wiesneus elk joar vanof dezember vergees aanvroagen. t Tiedschrift kin realiseerd worden deur n financiële biedroage van de pervinzie Grunnen. Kiek ook op de Klunderloa webstee http://www.klunderloa.nl/ veur meer Grunneger lesmaterioal, laidjes, verhoalen en gedichten, spezioal veur basisschoulen in Grunnen.