Zundagmiddag 21 mei Egbert Hovenkamp II-lezing met meziek van Bert Hadders en anslutende wandeling in Eext EEXT – Het Huus van de Taol organiseert saomen met underweg.eu een middag met de schriever Egbert Hovenkamp II. In zien tekst Ergo Eext Echo vertelt de taolwever over zien kinderjaoren in Eext. De schoel met mister Dorus, de melkfabriek De Eendracht, bakker Udding, krudenier Westerhof en café de Rustende Jager komt veurbij. En ok de joints tussen de stienen van hunebed D14. Wat is der overbleven? Kuw nog een echo vinden in Eext? Saomen gaow met je op zuuk op zundag 21 mei tiedens de Egbert Hovenkamp II-lezing. Wij leest, kuiert en luustert met oeze gasten: Egbert Hovenkamp II en Bert Hadders en kuiert van de kark hen Dorpsmuseum de Kluis. Publiek is van harte welkom bij dizze middag. Aanvang: 14.00 uur Hervormde kark, Kloosterstraat 2, Eext. De entree is € 7,50. Kaorten kunt risserveerd worden via https://huusvandetaol.nl/product/egbert-hovenkamp-lezing/

Schriever Chris Canter (1980) woont al jaoren in Spanje, maor prissenteert op zaoterdagmörgen 17 juni zien eerste dichtbundel Hieltied onbekender in Beilen! Canter debuteerde in 2019 met de verhaolenbundel Moenen. In Hieltied onbekender gebroekt e, behalve het Drents, veural zien vadertaol, Engels, en naost oorspronkelijke gedichten bint der vrije vertaolingen. Klassieke gedichten van Edgar Allan Poe en Dylan Thomas kriegt in dizze meertaolige bundel een Nedersaksische invulling. Veur dizze prissentatie komp de schriever speciaal hen Beilen. En veur liefhebbers van schrieverij is er de exclusieve meugelijkheid um hierbij anwezig te weden. De toegang is gratis, anmelden kan veur 1 juni via huusvandetaol.nl/anmelden-canter. Locatie: Huus van de Taol, Raadhuisplein 1, Beilen Tied: 10.30 -12.00 uur (inloop vanof 10.00 uur) De muzikale umliesting wordt dizze mörgen in het Drents én het Spaans verzörgd deur zangeres Martijje. Het Drentse Boek is de oetgeverij van streektaolorganisatie het Huus van de Taol, de organisatie die het Drents anfietert met as doel um het een taol te laoten weden waor de gebroekers wies met bint en die de niet-gebroekers wardeert.

Yvonne Cornax (foto) en Jos Kasten bint toetreden tot het bestuur van Stichting Huus van de Taol in Beilen. Cornax warkt as marketingstrateeg bij Marketing Drenthe. As kind van een Friese mamme en een Grunningse pappe gruide ze op in Overiessel, studeerde ze in Braobant en Gelderlaand en nou woont ze al dartien jaor in Paais: ‘Ik kan Fries, Gronings, Drents, Sallands en Brabants verstaan, maar mijn dialect is een gekke mengelmoes van al die talen’. Kasten woont in Beilen en warkt as bedriefsadviseur. Op dit moment is ze undermeer directeur bestuurder bij stichting ToReCo (Toeristisch Recrecatief Coevorden): ‘Graag werk ik als bestuurslid mee aan het behoud van onze streektaal, dat zo van invloed is op onze Drentse cultuur’. Renate Snoeijing, directeur van het Huus van de Taol: ‘De kennis en ervaring van dizze beide vrouwlu kuw goed gebruken bij het Huus van de Taol. Wij bint er dan ok wies met dat ze ja zegd hebt tegen een bestuursfunctie bij oes’. Bestuurslid Gezienes Evenhuis oet Emmen hef nao acht jaor zien functie as bestuurder neerlegd. Het Huus van de Taol wil hum stief bedanken veur alles wat e veur de streektaolorganisatie daon hef. Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.

Kleurplaoten en puzzels oet het streektaoltiedschrift levert 5 winnaars mooie priezen op Vleden meertmaond is bij het veurleesproject van streektaolorganisatie Huus van de Taol tiedschrift Wiesneus weer naor de basisschoelen bracht. Zo kunden kinder in Drenthe zuch vernuvern met Drentse verhaolen, gedichten, puzzels en ok een kleurplaot. Oet de inzendingen van de kleurplaot en oplössingen van de puzzels hef de jury de winnaars keuzen. De woordzuker har as oetkomst de zin ‘Is streektaal praoten een kuunst’. De pries veur de goeie oplössing giet naor Meira Westerveen van basisschoel De Eskampen oet Paais. De diagrampuzzel har as oetkomst ‘varfdeuze’. Dat wus Kaj Sok oet Nijevene ok, daorveur kreg ok hij een mooie pries. Veur de kleurplaot hef de jury drei winnaars keuzen: Eva Gils van De Eshorst in Beilen, Hugo Pekelder van de Eshoek in Annen en Tina oet groep 8 van De Weidebloem in Hoogeveen hebt met heur kunsten een pries wunnen. Prieswinnaars kriegt via de schoel bericht. Digitaal is alles over het tiedschrift ok te vinden op www.wiesneus.nl, op dizze website kan het hiele jaor deur speulenderwies Drents leerd worden. Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers wies met bint en die de niet-gebroekers wardeert.

Op inspireerdewereld.nl delen markante noordelingen hun inspiratie voor een mooie wereld. Fieke Gosselaar, streektaalconsulent van CGTC en schrijver, deelt haar inspiratie over de Groninger taal: ‘Ik merk dat mensen het belangrijk vinden, onze taal, vooral ook van mijn leeftijd. Dertigers, veertigers. In de jaren ’70-’80 was er een enorme kaalslag in onze taal. Die werd niet meer doorgegeven, want de wereld werd groter en met het Gronings kwam je dan niet zo ver… was de mening. Mensen van mijn leeftijd vinden het nu juist jammer dat het niet is doorgegeven. Ik ben van huis uit ook niet Groningstalig, maar wil wel een warm gevoel voor de taal doorgeven.’ ‘Taal is vooral leuk’ Een taal als het Gronings kan en mag niet zomaar verdwijnen vindt Fieke: ‘Het Gronings is heel direct. Echt iets van hier. Het succes van iemand als TikTok Tammo geeft aan dat het Gronings er echt nog wel is. Het appelleert aan een gevoel van herkenning en verbondenheid. Het Gronings verbindt de mensen hier met hun oorsprong. Dat besef komt gelukkig weer terug. Je voelt je toch fijner als je je kunt uiten in je eigen taal.’ Lees het complete inspirerende verhaal van Fieke op inspireerdewereld.nl/fieke. Foto Fieke Gosselaar: Inspireerdewereld.nl/Omrin