Wiesneus 2021 daverend succes!

Veur ’t vierde jaor op riege werd d’r op Achterhookse basisscholen de streektaalles Wiesneus egeven. Bi-j de les, verzorgd deur metwarkers van de Bibliotheken, heurt ’n mooi tiedschrift met daorin leuke verhaaltjes, opdrachten, puzzels en nog völle meer. Allemaol in ’t Nedersaksisch natuurlek!  Ok bunt d’r echte Wiesneus-leedjes, veur de Achterhook bunt dee in ezongen deur de Aaltense country-zangeres Sandra Vanreijs. De leedjes ku’j luusteren op Thema in beweging menu varianten (wiesneus.nl).

Groot feest!
Dit jaor werd Wiesneus wel heel biezonder af eslotten, namelek met ‘n heus Wiesneus-feest in Amphion! Daor konnen honderden kinder (met hun olders of opa’s en oma’s) gratis naor toe, om te geneeten van de veurstelling Dialect in de Liedjesstraot, deurr de Warboelband, Hans Keuper en Sandra Vanreys. Ook wodden hier mooie Wiesneus-prieze uut edeeld. Een groot succes en de kinder (en olders) hebt d’r volop van genoten! >> Bekiek de video van Dialect in de Liedjesstraot.

 

De Wiesneus-lessen bliekt populair: zowel kinder, olders as de metwarkers van de bibliotheken bunt enorm enthousiast. ’t Blik ‘n mooie manier om (nader) kennis te maken met streektaal. Sommige kinder kent ‘t ‘plat praoten’ van huus uut, ander vindt ’t mooi um te heuren of d’r meer aover te wetten te kommen. Tenslotte is ‘t Nedersaksisch ‘n officieel erkende taal, den heurt bi-j de streek waorin a-j woont en den ’t weerd is um behollen te blieven. Baovendien blik uut onderzuuk dat kinder die tweetalig wodt op evoed, later ok minder muuite hebt met ’t anleren van ’n vremden taal.

Meer wetten aover de Achterhookse Wiesneus-lessen? Kiek op www.ecal.nu/wiesneus-2021