Peter van der Velde-lezing in Rowol

Zundagmiddag 8 jannewaori stiet in café Het Rode Hert in Rowol het wark en leven van Peter van der Velde (1918-2004) centraal. Um 14.00 uur begunt een pergram van veurdrachten en meziek. Ok is der een rondwandeling deur het dörp en naor de fietsbrug over het Paaizerdiep under leiding van Willem van der Velde.

Peter van der Velde was vanof 1944 underwiezer in Steenbargen en Roon, daornao 25 jaor heufdunderwiezer in Rowol. Taol was veur schriever en underwiezer Peter van der Velde aaid een centraal thema. Hij was lid van de Drentse spellingkemissie, die in 1983 een boek met spellings- en taolregels veur het Drents oetgaf.

In café Het Rode Hert vertelt Willem van der Velde en schriever Martin Koster over het leven en wark van Peter van der Velde. Oetgever Bert Rossing van Het Drentse Boek introduceert de literaire wandelserie Underweg. De oetgave over Peter van der Velde en Rowol is het tweide diel van Underweg, nao het eerste diel over Klaas Kleine en Diever. De schrievers en organisatoren van Underweg, Gerrit Boer en Henk Berghuis, vertelt over het idee achter Underweg. Ok Jolien Wonink-Dijkstra, winnares van het Drèents Liedtiesfestival 2021, zal ankommen zundag optreden. Publiek is van harte welkom.

De entreepries is €7,50. Kaorten kunt risserveerd worden op www.huusvandetaol.nl/ product/peter-van-der-velde-lezing.