Neie podcast met Bert Hadders

Vanof nou kuj lustern naor de neiste oflevering van de podcast Praot Drents met mij. Dizze maol giet Renate Snoeijing in gesprek met zanger en muzikant Bert Hadders.

‘Ik wil ok wal ies een keer honderddoezend plaoten verkopen, maor dat zit er nait in. Maor ik mag nait moppern ofzo. Ik wor ’s mörgens wakker en dèenk: Wat bin ik? Ik bin muzikant! Ik pak mien gitaar en gao een laidje an ’t schrieven!’

Hadders vertelt over zien jeugd in de Veenkoloniën. Hie gruide op op Twaidemond en was as klein jochie al interesseerd in meziek. Toen e The Beatles en The Rolling Stones heurde, was e verkocht. Dat wol e ok doen.

Hadders zien ervaringen met wichter op Twaidemond waren trouwens niet zo best: ‘De wichter in de Veenkolonies, zie wolden mie nait hebben. Ik bin as maagd uut Twaidemond vertrökken.’

De podcast is te belustern op Spotify, iTunes en alle aandere bekende streamingdiensten.