Neie oflevering van de podcast met Hedy Smit-Wigchers

In dizze neie oflevering van de podcast Praot Drents met mij prat Renate Snoeijing met transportundernimmer Hedy Smit-Wigchers van Schonnerd.

Hedy hef een hiele zet boeten de previncie woond. Zie woonde zölfs een toertie in Amerika, maor kwam toch weer naor Drenthe. Zie is toen in de zaak van heur pap gaon warken. Intussen is ze met heur breur en heur neef verantwoordelijk veur het hiele bedrief.

Over het verschil tussen vrachtwagenchauffeurs oet Drenthe en oet het westen zeg ze: ‘Bij een Drent is ’t wal vaak dat as ze zegt dat ze ’t kunt, dan kunt ze ’t ok.

Naost het transport hef ze het ok nog slim drok met de stichting Cure ADAO. Zie hef een arfelijke andoening an de oogzenuw, waordeur ze aal minder zien kan. Over dizze andoening is nog maor weinig bekend en der is weinig an te doen. As bestuurslid van de stichting zet ze zuch in um te zörgen veur bekendheid, veur inkomsten veur underzuuk en um binnen Europa een soort kenniscentrum te weden.

De podcast is te belustern op Spotify, iTunes en alle aandere bekende streamingdiensten.