Nedersaksisch tweede taal in Nederland

’t Nedersaksisch is, nao Nederlands, de taal die ’t meeste wodt esprokken bi-j de mensen thuus. Vieftien procent van de mensen baoven de vieftien sprekt thuus een andere taal dan ABN. Daorvan wodt ’t Nedersaksisch met vijf procent ’t meeste esprokken. Daornao kump Limburgs (3%), Fries (2%) en ‘vremde’ talen as Engels, Pools en Turks. Dat blik uut nationaal onderzuuk dat is ehollen deur ’t Centraal Bureau veur de Statistiek (CBS).

Deelnemmers an ’t onderzuuk werd evraogd welke taal of dialect ze thuus sprekt. Ze konden kiezen uut 111 talen en dialecten. ’t Nedersaksisch, dat veural veurkump in Gelderland, Overiessel, Drenthe, Gröningen en ’n klein stuksen Friesland, is de meest gesprokken tweede taal achter de veurdeure.

Der bunt grote regionale verschillen as ’t geet um welk dialect of vremde taal der ’t meeste wodt esprokken thuus. Ok blik der minder dialect te wodden epraot as mensen hoger bunt op-eleid. Dat geldt aoverigens sterker veur ’t Nedersaksisch, dan veur Fries en Limburgs.

Klik hier veur ’t onderzuuk: Kwart 15-plussers spreekt thuis dialect of andere taal dan Nederlands (cbs.nl)

Afbeelding: © Hollandse Hoogte / Werry Crone