Literaire wandelroute over Suze Sanders van Drentsche Aa naor de Kymmelsbarg in Schipbörg

Op zundagmiddag 23 juli kuj met de literaire wandelroute in Schipbörg metlopen. Veurof wordt het viefde diel van de Underweg-wandelreeks over schriefster Suze Sanders in café De Drentsche Aa prissenteerd.

SCHIPBÖRG – Op zundagmiddag 23 juli start um 14.00 uur de Suze Sanders-lezing van Underweg in café De Drentsche Aa in Schipbörg. Schriefster Suze Sanders en heur gedicht Op de Kymmelsbarg staot in ’t middelpunt. Nao de Suze Sanders-lezing kuier wij met kundige begeleiding van Theo Spek en Egbert Meijers deur Schipbörg naor de Kymmelsbarg. De gasten bint, behalve Suze Sanders: Egbert Meijers, schriever, dichter, muzikant en ambassadeur van Nationaal park Drentsche Aa en Theo Spek, hoogleraar Landschapsgeschiedenis an de Rijksuniversiteit Grunning. Veur de meziek zörgt Leonieke Toering en Jan-Roelof Bathoorn.

Kaorten (€7,50) kuj risserveren bij het Huus van de Taol: www.huusvandetaol.nl/product/Suze-Sanders-lezing

De schrievers van de Underweg-serie, Gerrit Boer en Henk Berghuis, zult um de maond een diel onthullen. Bij Huus van de Taol bint ze dan veur € 5,- te downloaden (veur op de tablet, de computer of op de mobiel). Kiek op https://huusvandetaol.nl/product-categorie/boeken/.