Aal jaor zöch het Huus van de Taol een Mooiste Drentse Woord. Dat döt de streektaolorganisatie um de taolige riekdom van het Drents te laoten zien. Dit jaor bint het woorden oet het project ‘Heksen en Blauwvarven’ waoraj oet kiezen kunt. Op dizze tien woorden kuj van 16 december tot an 22 december stemmen:

grommen         zachies sneien

kribben            roezie maken

betuun             schaars

körs                 körtleden

dauweln           treuzeln           

singelier           vrömd, bezunder

feduzie             vertrouwen

verdan             verder, veuroet, in het vervolg

sikkom             bijna, ongeveer

sibbe                breurs en zussen

Stem op je mooiste woord tot en met 22 december, 12.00 uur op www.huusvandetaol.nl/mooistedrentsewoord .

Op 23 december heur je bij Radio Drenthe welk woord het mooiste Drentse woord van 2022 is. Van alle stemmers wordt er drei beloond met een schier priezenpakket van het Huus van de Taol.