Geschiedenisboek Sweel en de Zweelers is klaor

In de middeleeuwse kark van Sweel is op vrijdag 7 oktober het boek ‘Sweel en de Zweelers’ prissenteerd. De leste echte burgemeester van de olde gemiente Zweeloo, Bert Hinnen (l), much het eerste boek in handen kriegen van Egbert Hidding (r), de veurzitter van de ‘Historische Vereniging Zweeloo’.

Het boek hef 320 bladzieden met daorin de geschiedenis van Sweel en zien inwoners deur de tied hen. Vier jaor lang is de projectgroep van de historische verieniging der met in de weer west. En met succes. In de veurverkoop bint der al meer as 600 van besteld.

Sweel en de Zweelers vertelt het verhaal van zes dörpen in het zuudoosten van de previncie Drenthe: Aalden, Benneveld, Meppen, Wezup, Wezuperbrug en Zweeloo. De schrievers hebt het boek in acht tiedvakken indield. Van de iestieden tot an nou.  Het boek giet over het veraandernde landschap, de harde stried um het bestaan, de verholdings tussen de inwoners, oorlogen en conflicten, neie tieden en neie meugelkheden.

Ok bekende Zweelers komt veurbij. Willem Perkaan, de kroegbaos oet Wezup en smederijfemilie Masselink oet Sweel.

Vanof nou is het boek te koop in de Drentse boekhandel en bij het Huus van de Taol in Beilen. De verkooppries is € 25,-.