Fieke Gosselaar – In toene

Fieke Gosselaar (1982) gruiide op in Finsterwol en combineert t schrieven mit heur waark as strafrechtjuriste bie de Rechtbank Noord Nederland. Ze schrift poëzie in t Grunnegs en proza in t Nederlands. Ze publiceerde in bloumlezens van Dichters in de Prinsentuin, Dag van de Grunneger Toal en in de bundel Verrassend Nedersaksisch. Ook verschient heur waark voak in t Grunneger literatuur tiedschrift Krödde. In 2013 verscheen heur debuutbundel Nova Zembla. Vanof 2012 las ze elke vrijdagmörn n column veur in t programma De Centrale van RTV Noord. t Vlaamse tiedschrift Kluger Hans publiceerde ain van heur Nederlandstoalege kördee verhoalen. In augustus 2014 verscheen heur prozadebuut Tussen de anderen.