Diana Huizing neie Streektaolambassadeur veur Hoogeveen

In Diana Huizing-Beekelaar oet Hollandscheveld hef streektaolorganisatie het Huus van de Taol een neie Streektaolambassadeur vunden veur de gemiente Hoogeveen. Huizing-Bekelaar nemp het stokkie over van Yvonne Bijl-Hooijer.

Huizing-Beekelaar hef 25 jaor in het basisunderwies warkt en is sinds 2014 docent Drents bij het Huus van de Taol, waor ze cursussen gef . Ok warkt ze sinds 2021 as (under meer Drentstaolige) BABS bij de gemiente Hoogeveen.

Directeur Renate Snoeijing: ‘Wij weet daw met Diana een enthousiaste Streektaalambassadeur in huus haalt, umdaw heur al jaoren kent as een Drentsdocent met een goed gevuul veur humor’.

Huizing-Beekelaar zörgt samen met aandere vrijwilligers veur de organisatie van streektaolactiviteiten in de gemiente Hoogeveen. Ien van die activiteiten is het veurlezen op basisschoelen in meert.

Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.