Subsidie veur Gelderse streektaalprojecten!

’t Arfgoodcentrum Achterhook en Liemers hölt zich dit joar extra bezig met ’t onder de andach brengen en hollen van de streektaal en streekeigen karakter. Dat is meugelek deur ’n financiële bi-jdraege van de provincie Gelderland. Ni-j is dat ’t Arfgoodcentrum alle Gelderse regio’s waor Nedersaksisch wodt esprokken, geet bedenen. Naost de Achterhook is dat ok de noordoost Veluwe.

Der bunt al prachtege projecten, denk maor an onderwiesproject Wiesneus, muziekfestival. Plat Gespöld en ’t Achterhook College. Met de steun van de Provincie könt nog völle meer mooie plannen wodden e-realiseerd, zoas ’t stimuleren van plat praoten onder zorgmetwarkers. Ok is der ne subsidiepot van viefentwintigduuzend euro beschikbaor veur kleine lokale en regionale iniatieven dee bi-jdraegt an ’t gebruuk en behold van ’t Nedersaksisch in Gelderland.

Dus wi’j ‘n book uutbrengen of gao’j ‘n toneelstuk spöllen in ’t plat? Of misschien bu’j wal bezug met ne mooie muziekveurstelling of laezing in de streektaal. As ‘t plan biedrög an ’t gebruuk en behold van ’t Nedersaksisch in Gelderland, dan ku’j der noe subsidie veur anvraogen!

Kiek hier veur meer informatie.