Wel wint Drents ienakterfestival Kört&Goed 2023
Vanaovend is ‘t zo wied. De finale van het Drents ienakterfestival Kört&Goed in De tamboer in Hoogeveen. Het Huus van de taol organiseert um het jaor in de Meertmaond Streektaolmaond dit festival. Deur corona is het al even leden. In 2019 was de leste keer.
Vanaovend treedt veur je op: de beste ienakters oet de veurrondes. De ienakters bint niet langer as een half uur. Een jury zeg wel de beste is.
Kaorten à € 15,00 bint te koop bij het Huus van de Taol in Beilen, in de webshop op huusvandetaol.nl en an de zaal in Hoogeveen. Deur lös um 19.30 uur. Begun: 20.00 uur.
