zaterdag 9 oktober 2021

9 oktober: Wiesneus kinderfeest

Dialect in de Liedjesstraot

Feestelijken veurstelling veur basisschoolkinder die de dialectles Wiesneus hebt evolgd, of ’t gewoon leuk vindt um naor ’n dialectfeestjen met fijne muzeek te gaon.

Burgemeester Nico Nootjes van de Liedjesstraot dompelt zich onder in de Achterhoekse cultuur en organiseert een dialectfestival op het plein. Met de grote groep artiesten wordt ‘t een gezellige boel!

Met de Warboelband, zangeres Sandra Vanreijs en Wiesneus-ambassadeur Hans Keuper.

Aover Wiesneus:
De Wiesneus dialectles wordt al weer veur ‘t veerde jaor op riege egeven op basisscholen in de Achterhook. Dat is mede meuglijk emaakt deur de lokale bibliotheken en völle enthousiaste meesters en juffen. Vanwaege corona konden neet alle lessen fysiek deurgaon. Deurum wordt op sommige scholen de Wiesneus les pas nao de sommervakantie egeven, andere scholen gaven de les digitaal. Da’s allemaol good: ’t geet d’r maor um dat onze kinder in anraking komt met onze mooie streektaal.

Aover ’t feest:
’t Enthousiasme veur Wiesneus en streektaal in ’t algemeen gruuit. Dat alderbastend mooi en um dat te vieren, treedt de Warboelband, Sandra Vanreijs en Hans Keuper op veur de kinder met de veurstelling:

Dialect in De Liedjesstraot
Daotum:          Zaoterdag 9 oktober
Locatie:           Schouwburg Amphion, Doetinchem
Tijd:                 13.00 t/m 14.00 uur
(bi-j volduunde belangstelling 2e veurstelling van 15.00 t/m 16.00 uur)

De entree veur kinder tot 12 jaor is gratis.

‘t Interactieve programma is eschikt veur kinder tot ongeveer 10 jaor. De veurstelling is in eerste instantie beduuld veur kinder van scholen die met edaon hebt an Wiesneus; zee hebt veurrang bi-j de uutgifte van kaarten. Vanaf eind augustus is het meuglijk veur alle Achterhookse kinder um zich an te melden, zolang d’r plaatsen vri-j bunt.

Meer wetten? www.ecal.nu/wiesneus of mail naor info@ecal.nu

Kaarten besprekken: Dialect in de Liedjesstraot | Amphion